BOKAEDI:
POLOKEGO YA DIJO LE NETEFALETSO YA BOLENG
BOKAEDIPOTLANA:
Nama, Dinong, Dikoko jalo jalo le Dikumo tsa Mašwi
Ditiro le Maikarabelo a Bokaedipotlana Nama, Dinong, Dikoko jalo jalo le Dikumo tsa Mašwi
MAIKAELELO
Go tlhagisa dikaelo le melawana ya polokego ya dijo le boleng mabapi le dikumo tsa temothuo tsa dikumo tsa diphologolo tse di amang diphologolo go ya ka Molao 2000 wa Polokego ya Nama (Molao No 40 wa 2000).
Maitlhomo
Go tokafatsa polokego ya nama e e tlhagisiwang ke matlhabelo a Aforika Borwa
Go tlhokomela le go sekaseka nonofo ya boitekanelo jwa nama le dithulaganyo tsa thuso
Go tokafatsa temoso ya badirisi ka ga dintlha tsa polokego ya nama
Tebo ya Molao wa Polokego ya Nama
Go tlamela ka dikgato tsa go rotloetsa polokego ya nama le polokego ya dikumo tsa dipologolo; go tlhoma le go tshegetsa melawana e e botlhokwa ya bosetšhaba malebana le matlhabelo; go laola go tlisiwa le go romelwa ga nama; go tlhoma dikema tsa polokego ya nama; le go tlamela ka dikgato tse di golaganeng le tsona.
Ditiro tsa bokaedipotlana
Ditiro tsa bokaedipotlana Nama, Dinong, Dikoko jalo jalo le Dikumo tsa Mašwi di arogantswe ka ditiro tse tharo tse di botlhokwa:
Peomolao le Tlhagiso ya Pholisi
Go tlhagisa pholisi le peomolao tse di rotloetsang polokego ya dijo tse di amang diphologolo.
Go tshegetsa peomolao ka molawana le dikaelo tse di maleba.
Go tlhagisa le go baya melawana ya bosetšhaba e e rotloetsang polokego ya dijo tse di amang diphologolo.
Go gokaganya le baamegi ka ga dintlha tse di fa godimo.
Pegelo ya tlhomamo le tlhagiso ya mokgwa wa pegelo.
Go netefatsa neelo ya dithata/maatla go ya ka peomolao e e dirisiwang go badiri botlhe ba mo bokaedipotlaneng.
Tiro ya Taolo ya Dikotsi
Go tlhagisa mokgwa wa tlhokomelo mabapi le dijo tse di amang diphologolo
Papiso le tshekatsheko ya dipholo tsa dipatlisiso malebana le polokego e e amang dipholo.
Go tlhagisa mokgwa wa tlhokomelo le tshekatsheko malebana le tiriso ya pholisi, peomolao le molawana wa bosetšhaba ka diporofense.
Go tlhagisa mokgwa wa tlhaeletsano go lebilwe polokego ya dijo.
Go tlhagisa thulaganyo malebana le ditshoganyetso tsa polokego ya dijo.
Go dira ditshekatsheko tsa dikotsi malebana le ditshoganyetso tsa polokego.
Pegelo ya tlhomamo.
Ditirelo tsa Netefaletso le tsa Tlhatlhobo
Ditirelo tsa Kgokaganyo le tsa Tlhatlhobo
Tlhokomelo, tshekatsheko le tlhabololo ya ditumalano tsa konteraka malebana le netefaletso le ditlhatlhobo.
Tlhokomelo le tshekatsheko ya ditirelo tsa netefaletso.
Kgokaganyo le baamegi malebana le dintlha tsa netefaletso.
Pegelo ka tlhomamo.
BOKAEDI: POLOKEGO YA DIJO LE NETEFALETSO YA BOLENG
BOKAEDIPOTLANA:
NAMA, DINONG, DIKOKO JALO JALO LE DIKUMO TSA MAŠWI
Mogala: 012 319-7648
Fekese: 012 319-6892
